कणकवली | उमेश परब : उद्यापासून कणकवली येथे सुरू होणाऱ्या गावठी आठवडी बाजाराला स्वराज्य रक्षक छत्रपती संभाजी महाराज या मालिकेतील हंबीरराव मोहिते यांची भूमिका निभावत असलेले अनिल गवस यांची प्रमुख उपस्थिती असणार असून या गावठी आठवडी बाजाराचे उद्घाटन आमदार नितेश राणे यांच्या शुभ हस्ते सकाळी दहा वाजता होणार आहे यावेळी जिल्हा परिषद अध्यक्ष सौ.संजना सावंत, नगराध्यक्ष समीर नलावडे उपस्थित राहणार आहेत
कोरोनाच्या पार्श्वभूमीवर बरेच महिने हा गावठी आठवडी बाजार बंद होता पण कुठेतरी कोरोणाचे नियम शिथिल झाल्यानंतर पुन्हा सदरचा गावठी आठवडा बाजार पूर्वी प्रमाणे दर शुक्रवारी भरवला जाणार आहे. यासाठी कणकवली पंचायत समितीने पुढाकार घेतला असून आज या आठवडी बाजाराच्या जागेची पाहणी करत आढावा पंचायत समिती सभापती मनोज रावराणे व पंचायत समिती अधिकारी यांनी घेतला आहे
यावेळी सभापती मनोज रावराणे यांनी
सांगितले की उद्या सुरू होणाऱ्या गावठी आठवडी बाजाराला खास स्वराज्य रक्षक संभाजी मालिकेमधील हंबीरराव मोहिते यांची भूमिका निभावणारे अनिल गवस हे या उद्घाटन प्रसंगी उपस्थित राहणार असून त्यांना पाहण्याची संधी समस्त कणकवली वासियांना मिळणार असून अनिल गवस यांनी बऱ्याच मालिका,नाटक , चित्रपट यासारख्या विविध कार्यक्रमांमध्ये आपली छाप उमटवली आहे आणि उद्या ते आपल्या कणकवलीत गावठी आठवडा बाजाराच्या उद्घाटन प्रसंगी कणकवलीकर यांच्या भेटीला येणार असल्याने या उद्घाटनाला सर्व कणकवलीकर यांनी उपस्थित रहावे असे आवाहन सभापती मनोज रावराणे यांनी केले आहे
