आद्य क्रांतिकारक राजे उमाजी नाईक, भटके विमुक्तांना सर्व प्रमाणपत्रे मिळवून देण्यासाठीच्या अभियान ; जिल्हा प्रभारी पदी नवलराज काळे.

भाजपा प्रदेशाध्यक्ष चंद्रशेखर बावनकुळे यांच्या सूचनेनुसार निवड..!

वैभववाडी | प्रतिनिधी : भाजपा प्रदेशाध्यक्ष चंद्रशेखर बावनकुळे भारतीय जनता पार्टी भटके विमुक्त आघाडी, महाराष्ट्र प्रदेशअध्यक्ष राहुल केंद्रे यांच्या सूचनेनुसार संपुर्ण महाराष्ट्रात आद्य क्रांतिकारक राजे उमाजी नाईक, भटके विमुक्तांना सर्व प्रमाणपत्रे मिळवून देण्यासाठीचे अभियान राबविण्यात येत आहे या अभियानासाठी जिल्हा प्रभारी पदी भाजप भटके विमुक्त आघाडीचे जिल्हाध्यक्ष नवलराज काळे यांची निवड करण्यात आली आहे. या अभियानामध्ये भटके विमुक्त समाजाच्या वाड्या-वस्त्यांमध्ये व तांडयावर राशन कार्ड, मतदान कार्ड, पॅन कार्ड व आयुष्यमान भारत कार्ड, उज्वला गॅस अभियान राबविण्यात येत असुन भाजपा भटके विमुक्त आघाडी तर्फे जिल्हा, तालुका, वाड्या – वस्तांपर्यत, तांडयांवर हे अभियान प्रभावपणे आघाडीच्या पदाधिकाऱ्यांना राबवणे आहे.
भटके विमुक्त आघाडीचे जिल्हा अध्यक्ष हे या अभियानाचे प्रमुख असुन जिल्हा, तालुका व गाव, वस्ती, तांडयापर्यंत अभियान प्रमुख नेमणूक करून हे अभियान यशस्वीपणे राबवायचे आहे. या अभियानाच्या अनुषंगाने महाराष्ट्र राज्यातील सर्व जिल्ह्यांत या अभियानासाठी प्रभारी नियुक्ती जाहीर करण्यात आल्या असून या निवडीत सिंधुदुर्ग जिल्ह्यातून नवलराज काळे यांची प्रभारी पदी निवड झाली आहे. लवकरच जिल्ह्या कर्यारणी ची रचना करून कामाला सुरुवात होईल असा आश्वासन नवलराज काळे यांनी वरिष्ठांना दिले आहे. भारतीय जनता पार्टी भटके व मुक्त समाजासाठी प्रभाव पणे योजना राबवत आहे.

अशा उपक्रमामुळे समाजातील वंचित घटकांना न्याय मिळेल व समाज प्रगतीकडे जाईल असा काळे यांनी विश्वास व्यक्त केला. अशा प्रकारचे अभियान भटके विमुक्तांना देऊन राज्याचे भाजप प्रदेशाध्यक्ष आदरणीय चंद्रकांत बावनकुळे व भाजपा भटके विमुक्त आघाडीचे महाराष्ट्र प्रदेशाध्यक्ष आदरणीय राहुल भैया केंद्रे यांची नवलराज काळे यांनी आभार व्यक्त केले.