मसुरे | प्रतिनिधी : सिंधुदुर्ग जिल्ह्यातील देवगड तालुक्यातल्या मुणगे येथील श्री भगवती हायस्कूल आणि स्वर्गीय विणा सुरेश बांदेकर ज्युनिअर कॉलेज ऑफ व्होकेशनल कोर्सेसचे शिक्षकेतर कर्मचारी संतोष प्रल्हाद मुणगेकर (४४वर्ष) यांचे शुक्रवारी मुंबई येथे के. ई. एम. हॉस्पिटल येथे उपचारा दरम्यान अल्प आजाराने निधन झाले. मनमिळाऊ आणि शांत स्वभावाच्या संतोष यांच्या निधनामुळे शोक व्यक्त करण्यात येत आहे.
दोन महिन्यापूर्वीच त्यांच्या वडिलांचे वार्धक्याने निधन झाले होते. संतोष यांच्या पाश्चात पत्नी, मुलगी, वहिनी, काका, काकी, पुतणे,पुतण्या असा परिवार आहे. श्री भगवती हायस्कूल आणि ज्युनिअर कॉलेज येथे शनिवारी शोकसभा घेऊन त्यांना श्रद्धांजली वाहण्यात आली. मुंबई येथे त्यांच्या पार्थिवावर अंत्यसंस्कार करण्यात आले.
