आचरा | प्रतिनिधी : सिंधुदुर्ग जिल्ह्यातील किल्ले रामगड येथे काल ३० डिसेंबरला ‘दुर्गवीर प्रतिष्ठान’ मार्फत श्रमदान मोहीम आयोजित करण्यात आली होती. सकाळी ८ वा. सर्व दुर्गवीर किल्ले रामगडवर जमा झाले. प्रथम गडदेवता, श्री गणेशाची ची आराधना करुन शस्त्रपूजन करण्यात आले. त्यानंतर ध्येय मंत्र, प्रेरणा मंत्र घेऊन सकाळच्या प्रसन्न वातावरणामध्ये मोहिमेला प्रारंभ झाला. या मोहिमेत गडाच्या आतील भागातील गवत – झाडी साफ करण्यात आली. तसेच गडावरील तिन्ही दरवाजांवर सुरक्षेच्या दृष्टीने सूचना फलक लावण्यात आले.
या मोहिमेमध्ये दुर्गवीरचे मधुकर विचारे, सिद्धेश मेस्त्री, मिलिंद चव्हाण, सुबोध चव्हाण, संकेत परब, सहना प्रभुदेसाई, प्रथमेश वरवडेकर, शुभम घाडीगांवकर, विनय घाडीगांवकर, चेतन घोणे, प्रणय चव्हाण, मनाली मोरजकर, विशाल गुरव, सिद्धार्थ मोहिते, अक्षय चव्हाण, स्मितेश कदम, विकी गाड आदी सदस्य उपस्थित होते..
