कणकवलीत श्री राम मूर्तीच्या प्रतिष्ठापने दरम्यान होणार विविध कार्यक्रम ; गोट्या सावंत व समीर नलावडे मित्र मंडळाचे आयोजन

कणकवली | प्रतिनिधी : अयोध्या येथील प्रभू श्री राम जन्मभूमी येथे श्री राम मंदिर बांधून पूर्ण झाला आहे. श्री रामांच्या मूर्तीची प्राण प्रतिष्ठापना येत्या नवीन वर्षात २२ जानेवारीला होत आहे. या दरम्यान कणकवली शहरात प्रभू श्री राम यांची भव्य मिरवणूक तसेच छत्रपती शिवाजी महाराज चौकात सकाळी ८ वाजल्यापासून दिवसभर धार्मिक कार्यक्रम संपन्न होणार आहेत. यांचे आयोजन समीर नलवडे मित्र मंडळ व गोट्या सावंत मित्र मंडळ यांच्या वतीने करण्यात येत आहे. या कार्यक्रमांचा सर्व श्री राम भक्तांनी लाभ घ्यावा या कार्यक्रमाची रूपरेषा लवकरच जाहीर करू अशी माहिती माजी नगराध्यक्ष समीर नलावडे व माजी जि प अध्यक्ष गोट्या सावंत यांनी दिली आहे.