थायलंड सरकार व तेथील उद्योजकांशी होणार सामंजस्य करार..
मुंबई | ब्युरो न्यूज : गोकुळ दूध संघाचे संचालक आणि थायलंड सरकारचे वाणिज्य सल्लागार चेतन नरके यांनी केंद्रीय सूक्ष्म, लघु आणि मध्यम उद्योग मंत्री नारायण राणे यांची त्यांच्या मुंबई येथील निवासस्थानी भेट घेतली. यावेळी पश्चिम महाराष्ट्र, उत्तर कर्नाटक आणि कोकण येथील पर्यटन व लघु आणि सूक्ष्म उद्योगांना चालना देण्यासाठी संयुक्त उपक्रम राबवण्यावर चर्चा झाली.
तसेच येणाऱ्या आर्थिक वर्षात थायलंड सरकार आणि तेथील उद्योजकांत सामंजस्य करार करण्याचे ठरले. चेतन नरके यांना शासन आणि प्रशासकीय पातळीवर सर्वप्रकारचे सहकार्य करण्याचे अभिवचन केंद्रीय मंत्री नारायण राणे दिले आणि त्याकरिता दिल्ली येथे येण्याचे आमंत्रण दिले.
