मालवण | सुयोग पंडित : सिंधुदुर्ग जिल्ह्यातील मालवण तालुक्यातल्या चौके येथील औद्योगिक, सामाजिक व राजकीय व्यक्तीमत्व श्री. विनोद सांडव यांचा वाढदिवस काल १९ नोव्हेंबरला विविध उपक्रमांनी संपन्न झाला.
श्री. विनोद सांडव हे मनसे मालवण तालुका माजी अध्यक्ष असून ते विविध सामाजिक सहकार्याच्या उपक्रमांसाठीही प्रसिद्ध आहेत.
काल त्यांच्या वाढदिवसाचे औचित्य साधून पणदूर येथील संविता आश्रम या सामाजिक संस्थेमध्ये त्यांनी अन्नशिधा दान केले. श्री. विनोद सांडव यांचे चौके मित्रमंडळ, कुडाळ मित्रमंडळ व कट्टा मित्रमंडळ तसेच परिवार यांच्या समवेत देखील त्यांचा वाढदिवस साजरा करण्यात आला.
श्री. विनोद सांडव यांना सिंधुदुर्ग जिल्हा तसेच मुंबईतून विविध क्षेत्रांतून शुभेच्छा देण्यात आल्या असून श्री. विनोद सांडव यांनी सर्वांचे आभार मानले आहेत.
