ब्यूटीज ऑन व्हिल्स समूहाने केली अभिनंदन प्रशंसा.
मसुरे | प्रतिनिधी : सिंधुदुर्ग मधील मालवण तालुक्यातील चौके गांवचे सुपुत्र रमेश गावडे यांनी जम्मू काटरा ते मुंबई हा २०५६ किमी प्रवास १८ दिवस सायकलिंग करत नुकताच पूर्ण केला आहे. इन्कमटॅक्स अधिकारी असलेल्या गावडे यांच्या या कामगिरीची विशेष प्रशंसा होत आहे.
आरोग्यविषयक व स्वच्छता अभियान जनजागृतीसाठी अशा पद्धतीने आपण मोहीम राबवत असल्याचे श्री गावडे यांनी सांगितले. यापूर्वीही गावडे यांनी मु़बंई ते मालवण नंतर मुंबई ते कन्याकुमारी असे यापूर्वी सायकलिंग केले आहे. रनिंग मध्ये हाफ व फुल मॅरेथॉन सुध्दा तेवढ्याच ताकदीने पूर्ण केली आहे. सिंधुदुर्ग मधील सायकलिंग आणि रनिंग इव्हेंट मध्ये सुद्धा ते भाग घेतात. गावडे यांच्या या कामगिरीबद्दल ब्युटीज ऑन व्हील्स ग्रुपच्या वतीने अभिनंदन करण्यात आले आहे.
