शिवसेना (उद्धव बाळासाहेब ठाकरे ) विभाग प्रमुख समीर लब्दे यांनी शिबीरात नोंदणी साठी केले आवाहन.
आचरा | प्रतिनिधी : सिंधुदुर्ग जिल्ह्यातील मालवण तालुक्यातल्या आचरा ग्रामपंचायत हद्दीतील सर्व मतदारांसाठी आगामी लोकसभा निवडणूक २०२४ च्या अनुषंगाने विशेष संक्षिप्त पुनरिक्षण कार्यक्रम २०२४ नुसार मतदान केंद्रामधील १८ वर्षे पूर्ण झालेले उमेदवार, मतदार यादीतील तपशीलात दुरुस्ती, कायमस्वरूपी स्थलांतरित मतदार, मयत मतदार वगळणी तसेच पदवीधर मतदार नोंदणी
या नोंदींबाबत भारत निवडणूक आयोग तसेच जिल्हा निवडणूक अधिकारी तथा जिल्हाधिकारी सिंधुदुर्ग यांनी केलेल्या सूचनेनुसार ग्रामपंचायत आचरा या ठिकाणी विशेष शिबिराचे आयोजन करण्यात आले आहे.
या शिबिराच्या लाभासाठी आचरा ग्रामपंचायत हद्दीतील ज्या मतदारांना नवीन नांव नोंदणी तसेच मतदार यादीतील तपशीलात दुरुस्ती करावयाची असेल त्यानी उपस्थित राहून मतदार नोंदणी करावयाची आहे असे आवाहन शिवसेना (उद्धव बाळासाहेब ठाकरे प्रणित) आचरा विभाग प्रमुख समीर लब्दे यांनी केले आहे.
