मालवण | सुयोग पंडित : सिंधुदुर्ग जिल्ह्यातील मालवण शहरातल्या रेवतळे येथील कोरगांवकर यांच्या मालवण टेबल टेनिस
ॲकॅडमीत शनिवारी २१ ऑक्टोबरला सायंकाळी ३ ते ६ आणि रविवारी २२ ऑक्टोबरला सकाळी ८ ते ११ या वेळेत टेबल टेनिस प्रशिक्षण आयोजित करण्यात आले आहे.
माजी राष्ट्रीय आणि आंतरराष्ट्रीय टेबल टेनिस खेळाडू श्रीम. इंदू एन आर या प्रशिक्षणात विशेष मार्गदर्शन करणार आहेत. श्रीम. इंदू एन आर या ज्युनिअर नॅशनल चॅम्पियन होत्या तसेच सिनियर नॅशनल चॅम्पियनशिप मिळविली होती शिवाय वर्ड चॅम्पियन शिप, दोन काॅमनवेल्थ गेम्स, तीन एशियन चॅम्पियनशिप, लेबेनाॅन ओपन, कतार ओपन, ब्राझील ओपन, यू .एस्.ओपन, एशिया कप अशा अनेक आंतरराष्ट्रीय स्पर्धांमध्ये भारताचे प्रतिनिधित्व केले आहे. सिंधुदुर्ग जिल्ह्यातील टेबल टेनिस पटूंनी या सुवर्णसंधीचा लाभ घ्यावा असे आवाहन महासिंधु टेबल टेनिस असोसिएशन जिल्हा सिंधुदुर्ग सचिव हेमंत वालकर यांनी केले आहे.
