मुंबई | ब्युरो न्यूज : महाराष्ट्र राज्याचे मुख्यमंत्री एकनाथ शिंदे यांनी अवघ्या जगाचे लक्ष केंद्रित केलेल्या चांद्रयान-३ च्या लॅन्डिंग मोहिमेची प्रशंसा केली. काल चांद्रयान-३ ची लाईव्ह अपडेटस त्यांनी ‘वर्षा’ या निवासस्थानावरून घेतली.
या मोहिमेमुळे भारताची जागतीक महासत्ता बनण्याची सुरूवात झाली असून भारताचे अंतराळातील अभ्यास व संशोधनाचे श्रेष्ठत्व आणखीन स्पष्ट झाले आहे असे मुख्यमंत्री एकनाथ शिंदे यांनी प्रतिपादन केले. ‘वर्षा’ निवासस्थानी भारतीय तिरंगा उंचावून व टाळ्या वाजवून आनंद साजरा करण्यात आला.
उपमुख्यमंत्री अजित पवार यांनी या मोहीमेतील महाराष्ट्र राज्यातील शास्त्रज्ञ वर्गाचीही प्रशंसा केली आहे तर उपमुख्यमंत्री देवेंद्र फडणवीस यांनी सर्व शास्त्रज्ञ व पंतप्रधान नरेंद्र मोदी यांचेही विशेष अभिनंदन केले.
