कणकवली | गणेश चव्हाण : सिंधुदुर्ग जिल्ह्यातील ‘महाराष्ट्र नाभिक महामंडळ, सिंधुदुर्ग’ यांच्या वतीने संघटनेच्या उत्कर्षासाठी व हक्काच्या मंचासाठी जिल्ह्यात नाभिक भवन असावे आणि त्यासाठी शासकीय जागा मिळावी म्हणुन जिल्हाधिकारी यांना राज्य संघटक श्री. विजय सि. चव्हाण यांच्या उपस्थितीत नुकतेच ३ जुलैला एक निवेदन देण्यात आले.
यावेळी जिल्हाध्यक्ष जगदिश सु. चव्हाण, माजी जिल्हाध्यक्ष अनिल अणावकर, महिला जिल्हाध्यक्षा सौ. प्रतिभा चव्हाण, उपाध्यक्ष दाजी माने व विवेक चव्हाण, युवाध्यक्ष रुपेश पिंगुळकर, कुडाळ अध्यक्ष आनंद पिंगुळकर, मालवण ता. अध्यक्ष भाऊ चव्हाण, नाभिक पदाधिकारी व महिला वर्ग उपस्थित होते.
