मालवण | सुयोग पंडित : सिंधुदुर्ग जिल्ह्यातील कणकवली तालुक्यातल्या हळवल येथे आंतरराष्ट्रीय स्तरावरील सुप्रसिद्ध सादरकर्ते, साहित्यिक व मोटीव्हेशनल वक्ते श्री. प्रसाद कुलकर्णी यांचा धमाल एकपात्री कार्यक्रम संपन्न होणार आहे. दिनांक १ जुलैला, शनिवारी संध्याकाळी ६ वाजता हा कार्यक्रम ‘निलायम द ब्लू बाॅक्स’ हळवल येथे आयोजीत करण्यात आला आहे.
‘आनंदयात्रा’ या प्रसाद कुलकर्णी यांच्या या जगभर गाजलेल्या कार्यक्रमात विनोदाची बरसात, किश्श्यांचा पाऊस व कवितेची रिमझिम अशा विविध पद्धतींच्या सादरीकरणाची मेजवानी ही या कार्यक्रमाचे आकर्षण असेल. या कार्यक्रमाचे प्रवेशिका शुल्क २००₹ असून अधिक माहिती साठी इच्छुक रसिकांनी ९४२२०५४७४४ या क्रमांकावर संपर्क साधावा असे विनयशील आवाहन करण्यात आले आहे.यय
