मूळ कणकवलीकर सुजलची विश्व अजिंक्यपद स्पर्धेतील चमकदार यशाबद्दल जिल्हावासीय युवावर्गात उत्साह….!
ब्युरो न्यूज | विवेक परब : मिस्टर वर्ल्ड बॉडीबिल्डर चॅम्पियनशिप अर्थात् विश्व शरीरसौष्ठव स्पर्धेमध्ये सिल्व्हर मेडल मिळवणारे सुजल पिळणकर ( मूळ गांव कणकवली, पिळणकरवाडी) यांचे मुंबईतील वरळी येथील निवासस्थानी जाऊन आमदार नितेश राणे यांनी अभिनंदन केले.
यावेळी वरळी भाजपा विधानसभा अध्यक्ष दीपक पाटील, दक्षिण मुंबई जिल्हा महामंत्री दीपक सावंत, वरळी युवा मोर्चा अध्यक्ष मदन गुप्ता व इतर पदाधिकारी उपस्थित होते. पिळणकर यांच्या या चमकदार व आदर्शवत यशामुळे सिंधुदुर्ग जिल्ह्यातील युवकांमध्ये व्यायाम व शरीरसौष्ठव यांतून व्यक्तिमत्व विकासाची प्रेरणा व उत्साहाची भावना आणखीन वाढली आहे.
