मालवण | ब्युरो न्यूज : सिंधुदुर्ग जिल्ह्यातील मालवण समुद्रात आज पहाटे ३ च्या दरम्यान, मूळ कारवारच्या एका खलाशाने भर समुद्रात नांगरासह उडी मारली अशी प्राथमिक माहिती दिली गेली आहे . त्याने उडी मारल्याची लक्षात आल्यावर बोटावरील त्याच्या इतर सहकार्यांनी त्याला बाहेर काढून किनार्यावर आणले व तत्काळ मालवणच्या ग्रामीण रुग्णालयात दाखल केले पण उपचार सुरु होण्याआधीच त्याची प्राणज्योत मालवली असल्याची माहिती रुग्णालय प्रशासनाने सूत्रांना दिली आहे . रुपेश हरवळकर असे मयत खलाशी व्यक्तीचे नांव असून ते ४० वर्षांचे होते. आत्महत्येचे नेमके कारण समजले नसून ते गूढ़ उलगडणे ही संबंधित तपास व कायदे यंत्रणांना आता आवाहन आहे.
या घटनेनंतर पोलीस ग्रामीण रुग्णालयात दाखल झाले असून आता पुढील तपास सुरु झाला आहे असे सूत्रांकडून समजते.
काल दुपारी १:३० वाजता ही छोटी बोट ( बल्याव) मासेमारीसाठी समुद्रात गेले होते.
