मसुरे | प्रतिनिधी : सिंधुदुर्ग जिल्ह्यातील मालवण तालुक्यातल्या मसुरे आंगणेवाडी यात्रेला येणाऱ्या भाविकांसाठी आणि दुकानदार, हॉटेल व्यावसायिक यांना पिण्याचे पाणी माळगांव येथून टँकर मधून पुरविण्यात येते. हे सर्व पाणी बागायत येथील व्यवसायिक नरे ब्रदर्स यांच्या मालकीच्या विहिरीचे दिले जाते. या पाण्याचे टीसीएल द्वारे पाणी शुद्धीकरण आणि ओ.टी परिक्षण करून मगच पाणीपुरवठा टँकरला करण्यात आला.
हे पाणी शुद्धीकरण आणि ओ.टी परिक्षणासाठी श्री आर. जी. चव्हाण आणि श्री चेतन कडुलकर आरोग्य कर्मचारी प्राथमिक आरोग्य केंद्र हिवाळे तसेच श्री आशिष चव्हाण आरोग्य कर्मचारी तालुका आरोग्य अधिकारी कार्यालय मालवण यांनी आपली जबाबदारी पार पाडली. ग्रामपंचायत माळगाव जलसुरक्षक श्री रमेश प्रभुलकर यांनी पाणी शुद्धीकरणासाठी सहकार्य केले.
