मालवण | सुयोग पंडित : सिंधुदुर्ग जिल्हा हौशी सॉफ्टबॉल असोसिएशन यांच्या वतीने ज्युनिअर सॉफ्टबॉल मुले व मुली संघांची निवड चाचणी स्पर्धा रविवार दिनांक ५ फेब्रुवारी सकाळी १० वा.सरस्वती विद्यामंदिर,कुडासे ता.दोडामार्ग येथे होणार आहे.
या स्पर्धेसाठी खेळाडूंची जन्मतारीख १/१/२००५ नंतरची असावी. खेळाडूंनी सोबत येताना वयाचा पुरावा आणावा व आवश्यक साहित्यासह उपस्थित रहावे असे आवाहन करण्यात आले आहे.
या स्पर्धेतून निवडलेला संघ सोलापुरातल्या अक्कलकोट येथे ७ फेब्रुवारी ते १० फेब्रुवारी २०२४ दरम्यान होणाऱ्या राज्यस्तरीय स्पर्धेत सहभागी होईल.
अधिक माहिती साठी जिल्हा सचिव अजय शिंदे मालवण (९४२२३९४१८६) यांच्याशी संपर्क साधावा असे असोसिएशनच्या वतीने सांगण्यात आले आहे.
या निवड चाचणी स्पर्धेसाठी जास्तीत जास्त खेळाडूंनी सहभागी व्हावे असे आवाहन जिल्हा संघटनेचे सुरेंद्र सकपाळ व जिल्हा सचिव अजय शिंदे यांनी केले आहे.
