देवी भराडी नटली सजली,
भक्त जनांच्या भेटीसाठी,
भक्त जनांचा मेळा जमला,
आई भराडीच्या दर्शनासाठी ||
नेत्र भरून ते दर्शन घ्यावे,
मनोकामना पूर्ण व्हावे,
आईच्या दरबारा मध्ये,
नसे कशाची कधी खंत ||
लाखो भाविक दुरुनी येती,
रांगे मध्ये उभे राहती,
शांत मनाने तल्लीन होती
दर्शन घेऊन पुढे सरकती ||
जत्रा मग ती फुलून जाई,
खाजा लाडू उसळ मिठाई
वडे सागोती कांदा भजी ती,
चाकरमानी ताव मारीती ||
शेतकरी अवजारे घेती,
महिलांची ती खरेदीत घाई,
बांगड्या टिकल्या कपडे घेई,
बालकांमध्ये उत्साह भारी ,
पाळणा चक्री घेई भरारी ||
आंगणे मंडळीचा प्रसाद येता,
भक्तांची ती झुंबड उडते,
एका एका कणासाठी,
चातका सारखे दाणे टिपती ||
अशी असे ही देवी महती,
दश दिशांनी भक्त जमती,
प्रसाद घेऊन पुन्हा परतती,
वर्ष भराची रख़वाली घेती ||
(९८१९९०२४१४)
