विवेक परब | ब्युरो चीफ : सिंधुदुर्ग जिल्ह्यात हिंदुहृदयसम्राट स्व. बाळासाहेब ठाकरे यांच्या जयंतीनिमित्त काल रविराज चिपकर या सुप्रसिद्ध कलावंताने अनोख्या पद्धतीने ‘दर्यासाक्ष मानवंदना’ तथा समुद्र किनारी वाळुची कलाकुसर करुन दिली.
रविराज चिपकर यांनी स्व. बाळासाहेब ठाकरे यांच्या जयंतनिमित्त चित्तवेधक शैलीतून मानवंदना देताना कलर स्प्रेच्या मदतीने विस्तीर्ण, निसर्ग संपन्न वेंगुर्ल्यातील निवती समुद्रकिनारी बाळासाहेबांचे २० फूट आकाराचे वाळूचे शिल्प साकारले.
ही कलाकृती बनवण्यासाठी त्यांना दोन तास लागले. संपूर्ण कलाकृती ड्रोनच्या साहाय्याने देखील टिपण्यात आली.
