सामाजिक कार्यकर्ते व व्यापारी सचिन नाटेकर यांचे सडेतोड मत
बांदा |राकेश परब : बांदा परिसरात महापुर येऊन दोन महिने उलटून गेले तरी व्यापारी मदतीपासून वंचितच असल्याचे व्यापारी व सामाजिक कार्यकर्ते सचिन नाटेकर यांनी म्हटले आहे तसेच नाराजी व्यक्त केली आहे.
राज्याचे मुख्यमंत्री, उपमुख्यमंत्री, मदत व पुनर्वसन मंत्री, व जिल्हा पालकमंत्री यांनी त्वरीत दखल घेऊन जाहीर मदतव्यापाऱ्यांना अदा करावी अशी मागणी सचिन नाटेकर यांनी केली आहे. आत्मनिर्भर असलेला कोकणी व्यापारी सततची अतिवृष्टी,करोना महामारी, लाँकडाऊन यामुळे व्यापारी मेटाकुटीला आले आहेत. ३० सप्टेंबर पर्यंत जाहीर केलेली मदत अदा करावी.अतिवृष्टी व महापुर आल्यावर राज्याच्या अनेक मंत्र्यांचे पहाणी दौरे कोकणात झाले.आश्वासनांचा महापुर आला असल्याचे नाटेकर यांनी दिलेल्या प्रसिद्द पत्रकात म्हटले आहे. पुढे नाटेकर यांनी असे म्हटले आहे की, मुख्यमंत्रीनी तर मी पँकेज जाहीर करणारा मुख्यमंत्री नसुन प्रत्यक्षात मदत करणारा मुख्यमंत्री असल्याचे जाहीर केले. विरोधी पक्षाचे दिग्गज नेतेही आपल्या कार्यकर्ते च्या फोजफाट्यासह कोकणात आले. सरकार वर टिकेची झोड उठवली.सरकार ला मदत देण्यास भाग पाडू असे सांगितले.जसा महापुर ओसरला तसा सरकार व विरोधी पक्षांनी दिलेल्या आश्वासनांचा महापुरही ओसरला. प्रत्यक्षात व्यापारी च्या पदरात काहीच पडले नसल्याचे त्यांनी सांगितले. आता लवकरात लवकर व्यापारी ना मदत द्या. अन्यथा आंदोलन करणारा असा आक्रमक पवित्रा घेत नाटेकर यांनी बांदा व्यापा-यांच्या वतीने कडक इशार दिला आहे. २०१९ व २०२१ चा महापुर, कोरोना महामारी, सततचे लाँकडाऊन यामुळे कोकणातील व्यापारी चे कंबरडे मोडले आहे.
व्यापारी बांधवाना पक्षीय राजकारणात स्वास्थ नाही. तरीही. सरकार ला वेळ मिळाल्यास व्यापारी, कष्टकरी, शेतकरी यांच्या समस्या सोडवण्यावर भर द्यावा. सरकार कडून व्यापारी च्या काही माफक अपेक्षा असल्याचे नाटेकर यांनी सांगितले.
