संतोष साळसकर | शिरगांव :
कणकवली येथील कवयित्री सरिता पवार यांना रयत शिक्षण संस्थेच्या दादा पाटील महाविद्यालय, कर्जत अहमदनगरच्या मराठी विभागातर्फे देण्यात येणारा दुर्गा भागवत पुरस्कार जाहीर झाला आहे. खासदार सुप्रिया सुळे यांच्या हस्ते १३ जानेवारी रोजी कर्जत अहमदनगर येथे त्यांना या पुरस्काराचे वितरण केले जाणार आहे. स्मृतिचिन्ह, सन्मानचिन्ह आणि शाल, श्रीफळ असे पुरस्काराचे स्वरुप आहे.
सरिता पवार यांच्या साहित्य लेखन आणि वैचारिक प्रबोधनातील योगदान लक्षात घेत हा पुरस्कार जाहीर करण्यात आला आहे. दादा पाटील महाविद्यालयाच्या मराठी विभागातर्फे भारतातील स्त्री आहेत.
शिक्षणाच्या प्रणेत्या पहिल्या स्त्री शिक्षिका सावित्रीबाई फुले यांच्या जयंतीनिमित्त पहिले स्त्री शिक्षिका साहित्य संमेलन कर्जत येथे ३ जानेवारी रोजी होणार आहे. खासदार सुळे यांच्या हस्ते संमेलनाचे उद्घाटन होणार आहे. यानिमित्त राज्यातील शिक्षिकांना देण्यात येणाऱ्या पुरस्कारांची घोषणा संमेलनाचे स्वागताध्यक्ष राजेंद्र फाळके (सदस्य मॅनेजिंग कौन्सिल रयत शिक्षण संस्था सातारा), निमंत्रक आमदार रोहित पवार (सदस्य जनरल बॉडी, रयत शिक्षण संस्था सातारा), संयोजक प्रा. डॉ. संजय नगरकर यांनी केली. या उद्घाटनानंतर निमंत्रित कवींचे कविसंमेलन होणार असून सरिता पवार या निमंत्रित कवयित्री म्हणून कविता सादर करणार
