मसुरे | प्रतिनिधी :
रक्तदान, देहदान, अवयवदान क्षेत्रात उत्तरोत्तर प्रगतीपथावर राहणार्‍या सिंधु रक्तमित्र प्रतिष्ठान, सिंधुदुर्गच्या कार्यकर्त्यांनी पुन्हा एकदा एकत्र येऊन मूळ सिंधुदुर्गातील पण नोकरी व्यवसायानिमित्त गोव्यात राहणार्‍या पाच रक्तदात्यांच्या अनमोल सहकार्याने रक्तदानाची गरज पूर्ण केली.
शनिवार दिनांक १७ डिसेंबर २०२२ रोजी श्री अरुण हनपाडे (कारिवडे, सावंतवाडी) यांना बांबोळी गोवा येथे हिमोग्लोबिन कमी असल्याने बी पाॅझिटीव्ह रक्तगटाच्या रक्तदात्यांची गरज होती. त्यावेळी या केससाठी सिंधु रक्तमित्र प्रतिष्ठानच्या रूचिर ठाकूर (कणकवली), अक्षय सावंत (बिबवणे), सौरभ पडते (माजगांव), विष्णू धुरी (शेर्ले) आणि महादेव शेगडे (बांदा) या पाच रक्तदात्यांनी तथा सदस्यांनी बांबोळी गोवा रक्तपेढी येथे जाऊन रक्तदानामध्ये सहभाग घेतला. सिंधु रक्तमित्र प्रतिष्ठानच्या रक्तदात्यांचे यानिमित्त कौतुक होत आहे.
