लहान वयातच निकीताचे भजन क्षेत्रात भरीव योगदान…!
मसुरे | प्रतिनिधी : गानसम्राज्ञी लता मंगेशकरजींच्या वाढदिवसादिवशीच महिला गायन क्षेत्रातील एक गौरवास्पद वार्ता मसुरे गावांतून येत आहे. मसुरे देऊळवाडा येथील युवा महिला भजनी बुवा निकीता बाबाजी मेस्त्री हिने अगदी अल्पावधीतच भजन क्षेत्रात केलेल्या कार्याचा गौरव म्हणून मसुरे येथे आदर्श शिक्षिका श्रीमती कल्याणी कांबळी यांच्या शुभहस्ते सत्कार करण्यात आला. येथील बागवे हायस्कुलचे कर्मचारी अनिल मेस्त्री यांची निकिता ही कन्या आहे. अल्पावधीत महिला भजन क्षेत्रात केलेल्या गौरवास्पद कामगिरीबद्दल श्रीमती कल्याणी कांबळी यांनी तिचे विशेष कौतुक केले.
मालवण तालुक्यामध्ये महिला भजन क्षेत्रामध्ये ठीक ठिकाणी आपल्या गोड गायकीने निकिता मेस्त्री हिने भजन रसिकांच्या मनावर अधिराज्य गाजविले आहे. यावेळी भजन क्षेत्रातील विविध मान्यवर उपस्थित होते.
