सांगवे ग्रा.पं.सदस्यपदाचे उमेदवार अजय सुतार यांचा बाळासाहेबांची शिवसेना पक्षात प्रवेश.

कणकवली | प्रतिनिधी : सध्या सिंधुदुर्ग जिल्ह्यात ग्रामपंचायत निवडणुक प्रचार सुरु झाला असतानाच कणकवली तालुक्यातील सांगवे ग्रामपंचायत सदस्य पदाचे अपक्ष उमेदवार अजय सुतार यांनी बाळासाहेबांची शिवसेना पक्षात प्रवेश केल्याने कणकवली तालुक्यातल्या ग्रामपंचायत क्षेत्रातील बाळासाहेबांची शिवसेना पक्षाची राजकीय प्रसार सक्षमतेकडे वाटचाल सुरु झाल्याचे चित्र आहे .
माजी खासदार ब्रिगेडियर सुधीर सावंत, जिल्हाप्रमुख संजय आंग्रे यांच्या प्रमुख उपस्थितीत बाळासाहेबांची शिवसेना पक्षाच्या कणकवली मध्यवर्ती संपर्क कार्यालयात हा झाला. या पक्षप्रवेशासाठी उपजिल्हाप्रमुख महिंद्र सावंत यांनी विशेष परिश्रम घेतले. यावेळी उपजिल्हाप्रमुख महिंद्र सावंत, उपजिल्हाप्रमुख शेखर राणे, तालुका प्रमुख भूषण परुळेकर, तालुका समन्वयक सुनील पारकर आदी उपस्थित होते.