समाजसेवक व माजी शिवसेना शाखा प्रमुख गजानन परब यांचे ते वडिल होत.
सावंतवाडी | प्रतिनिधी : सिंधुदुर्ग जिल्ह्यातील सावंतवाडी तालुक्यातल्या मडुरे येथील रहिवासी कै. राजाराम सखाराम (पांडुरंग) परब यांचे २६ ऑक्टोबरला सकाळी ८:४० वाजता त्यांच्या डोंबिवली- ठाणे येथील निवासस्थानी दुःखद निधन झाले. ते ८६ वर्षांचे होते. त्यांनी
१९५७ पासून ते १९९३ पर्यंत त्यांनी पश्चिम रेल्वेत सेवा बजावली. विनाअपघात सेवा स्पेशल “ए ग्रेड सर्टीफाईड” ,गोल्ड मेडल विनर म्हणून त्यांना गौरविण्यात आले होते. पश्चिम रेल्वेत रुजू होताना एक फायरमन म्हणून स्टीम इंजिन ते ईलेक्ट्रीक एसीडीसी ईंजन पायलट म्हणून सेवानिवृत्त होईपर्यंत त्यांनी रेल्वेची अथक अविरत सचोटीने सेवा बजावली.
त्यांच्या पश्चात तीन मुलगे व एक मुलगी व नातवंडे, पंतवंडे असा मोठा परिवार आहे. त्यांच्या निधनाने सर्व सामाजिक स्तरावरुन दु:ख व्यक्त होत आहे. समाज सेवक व माजी शिवसेना शाखा प्रमुख गजानन परब यांचे ते वडिल होत.
