राकेश परब / बांदा : राष्ट्रवादी काँग्रेस पक्षाची धुरा जिल्हाध्यक्ष अमित सामंत, सावंतवाडी तालुका अध्यक्ष पुंडलीक दळवी यांनी स्विकारल्यानंतर सिंधुदुर्ग जिल्ह्यामध्ये राष्ट्रवादी झपाट्याने वाढत आहे.पक्षाचे अनेक उपक्रम राबवले जात आहेत. आठ वर्षाच्या कालावधीनंतर गणेश चतुर्थीला राष्ट्रवादीचे बॅनर सिंधुदुर्ग मध्ये झळकलेले दिसत आहेत.
लवकरच नगरपालिका निवडणुक असल्याने सर्व पक्षांचे लक्ष सावंतवाडी वर केंद्रीत झाले आहे. यावेळी सावंतवाडी नगरपालिकेवर राष्ट्रवादीचा झेंडा फडकणार असल्याचा विश्वास सावंतवाडी राष्ट्रवादी तालुका अध्यक्ष पुंडलिक दळवी यांनी रमेश परब यांच्याकडे व्यक्त केला.
यावेळी शहर राष्ट्रवादी काँग्रेस अध्यक्ष देवेंद्र टेमकर, जिल्हा कार्याध्यक्ष उद्योग व्यापार हिदायतुल्ला खान, महिला जिल्हा अध्यक्ष उद्योग व्यापार सौ.दर्शना बाबर देसाई,अल्पसंख्याक जिल्हा उपाध्यक्ष ईफतेकार राजगुरू,तालुका सदस्य बावतीस फर्नाडीस, सोशल मिडिया सावंतवाडी तालुका अध्यक्ष संजय भाईप उपस्थित होते.