वैभवी पेडणेकरचा भिरवंडेकर सावंत मंडळींच्या वतीने सत्कार!

प्रतिनिधी / मसुरे : मसुरे गावची कन्या वैभवी दत्तप्रसाद पेडणेकर हिने कला- क्रीडा- साहित्य- सामाजिक आणि शैक्षणिक क्षेत्रात मोठे योगदान दिले आहे. सर्व स्तरावरती मसुरे गावाचे नाव उज्वल केले. विविध राज्यस्तरीय स्पर्धांमध्ये तिने प्रथम क्रमांक प्राप्त केलेले आहेत. तिच्या या घवघवीत यशाबद्दल मसूरे मार्गाचीतड येथील भिरवंडेकर सावंत मंडळींच्या वतीने वैभवी हिचा सत्कार करण्यात आला.
यावेळी बोलताना मुंबई येथील युवा समाजसेवक स्वप्नील देवेंद्र सावंत म्हणाले, वैभवी पेडणेकर हिने मसूरे गावाचे नाव सर्व स्तरावर ती राज्यभर पोचविले आहे. याचा आम्हाला सार्थ अभिमान आहे. या गुणी कन्येचा आदर्श आज सर्वांनी घेणे गरजेचे आहे. वैभवी सारखी अनेक गावातील रत्ने आज खऱ्या अर्थाने या जिल्ह्याची भूषण ठरत आहेत. यापुढेही गावातील अनेक गुणवंतांच्या मागे आम्ही भिरवंडेकर सावंत मंडळी सदैव आहोत. यावेळी लक्ष्मण सावंत, मुकुंद सावंत, दिलीप बागवे, सतीश बागवे, स्वप्नील सावंत, यतीन बागवे, मिलिंद बागवे, श्रीमती श्रद्धा देवेंद्र सावंत श्रीमती माधुरी भीमराव सावंत, सौ मीनल लक्ष्मण सावंत आणि भिरवंडेकर सावंत मंडळी व मार्गाचीतड ग्रामस्थ उपस्थित होते.