१५७ धावांनी जिंकली कसोटी
द. ओव्हल (लंडन) | क्रिडा वृत्त : पाच कसोटी सामन्यांच्या एल व्ही इन्शुरन्स कसोटी मालिकेत भारताने इंग्लंड संघावर सनसनाटी विजय मिळवून इतिहास रचला. बरोब्बर पन्नास वर्षांपूर्वी याच मैदानावर भारतीय संघाने इंग्लंडवर पहिला कसोटी विजय मिळवला होता.
मागील सामन्यांतील पराभवानंतर आणि याही सामन्यांतील पहिल्या डावातील निराशाजनक खेळानंतर पिछाडीवरुन येत भारताने हा रोमहर्षक विजय मिळवला.
शार्दुल ठाकूरची दोन्ही डावात अर्धशतके आणि रोहीत शर्माचे दुसर्या डावातील महत्त्वपूर्ण शतक यामुळे हा विजय शक्य झाला आहे.
भारतीय गोलंदाजीत उमेश यादवच्या दोन्ही डावातील तीन तीन बळी महत्त्वपूर्ण योगदान देऊन गेले.
भारतीय संघाच्या या 157 धावांच्या विजयानंतर भारतीय संघ आता ही कसोटी मालिका गमावणार नाही हे स्पष्ट झाले.
आता पुढील सामना दिनांक 10 सप्टेंबरपासून ओल्ड ट्रॅफर्ड, मॅन्चेस्टर येथे खेळविला जाईल.
