सिंधुदुर्ग जिल्ह्यातील मनसे व मनविसे कार्यकर्त्यांच्यात चैतन्याच्या लहरी..!
मालवण | सुयोग पंडित : सिंधुदुर्ग जिल्ह्यातील मनसे व मनविसे कार्यकर्त्यांत सध्या चैतन्याच्या लहरी उमटत आहेत.
महाराष्ट्र राज्यातील विदर्भाच्या दौऱ्यानंतर आता मनसे अध्यक्ष श्री. राज ठाकरे आता ‘कोकण’ कडे कूच करणार असून येत्या ७ ऑक्टोबरपासून राज ठाकरे यांच्या ‘मिशन कोकणला’ सुरुवात होण्याची शक्यता आहे.
त्यांचा हा दौरा सहा दिवसांचा असणार आहे. ते कोल्हापुरातून तळ कोकणात येणार आहेत. रत्नागिरी, सिंधुदुर्ग, रायगड या जिल्ह्यात प्रत्येकी दोन दिवस त्यांचा दौरा असणार आहे. ठाकरे यांच्या या दौऱ्याच्या पार्श्वभूमीवर कोकणातील मनसे सैनिकांमध्ये आणि मनविसे कार्यकर्त्यांमध्ये चैतन्याच्या लहरी उमटत आहेत.
मनविसेचे विविध पदाधिकारी यासंदर्भात सोशल मिडियावरुन विशेष जागृती करत आहेत.
