अनुरुद्र नारकर हे फणसगावचे सुपुत्र,समाजसेवक,उद्योगपती
संतोष साळसकर / शिरगाव : देवगड तालुक्यातील फणसगावचे सुपुत्र, फणसगाव पंचक्रोशी शिक्षण संस्था(मुंबई)चे अध्यक्ष तथा देवगड तालुका शिवसेना संपर्कप्रमुख,समाजसेवक,उद्योगपती अनुरुद्र विठ्ठल नारकर यांची मुंबई जोगेश्वरी विधानसभा व्यापार विभाग संघटक पदी नियुक्ती करण्यात आली.
स्वर्गीय शिवसेनाप्रमुख बाळासाहेब ठाकरे यांच्या कडवट विचारांचे ते पाईक आहेत.अनुरुद्र नारकर हे कट्टर शिवसैनिक आहेत.पक्षप्रमुख,मुख्यमंत्री उद्धव ठाकरे यांच्या विचारांचा नारकर यांच्यावर पगडा आहे.कडवट शिवसैनिक म्हणून त्यांची ओळख आहे.
शिवसेनापक्षप्रमुख उद्धव ठाकरे यांच्या आदेशानुसार,शिवसेना नेते खासदार गजानन कीर्तिकर यांच्या सूचनेनुसार,माजी राज्यमंत्री रवींद्र वायकर यांच्या मार्गदर्शनानुसार व आमदार सुनील प्रभू यांच्या नेतृत्वाखाली अनुरुद्र नारकर यांची ही निवड करण्यात आली आहे.
या निवडीनंतर अनुरुद्र नारकर यांनी पक्षप्रमुख उद्धव ठाकरे यांची भेट घेऊन त्यांचे आशीर्वाद घेतले.त्यांच्या या निवडीनंतर फणसगाव परिसरातून विशेष अभिनंदन करण्यात येत आहे.
