मालवण | सुयोग पंडित ( क्रिडा) : सिंधुदुर्ग जिल्ह्यातील देवगड तालुक्यातल्या शिरगांव येथील ‘शिरगांव क्रिकेट ॲकॅडमी’ मध्ये इनडोअर सरावाची सुविधा उपलब्ध झाली आहे.
शिरगांव क्रिकेट ॲकॅडमीच्या काही हीतचिंतक व लेदरबाॅल क्रिकेट प्रेमींनी आर्थिक योगदान देऊन इनडोअर सरावाच्या सुविधांसाठी आवश्यक मॅटींग व अन्य सामुग्रीसाठी विशेष प्रयत्न केले म्हणून ही सुविधा उपलब्ध झाली आहे असे शिरगांव क्रिकेट ॲकॅडमीचे संस्थापक, मुख्य प्रशिक्षक व सुप्रसिद्ध समाजसेवी व्यावसायिक श्री.सुधीर साटम यांनी स्पष्ट केले आहे.
शिरगांव क्रिकेट ॲकॅडमीतर्फे त्यांनी योगदान दिलेल्या सर्वांचे आभार मानले आहेत.
