मालवण ते कसाल व मालवण ते आंगणेवाडी रस्ता लवकरात लवकर करायचे दिले निवेदन.
मालवण | विनीत मंडलिक : माजी खासदार व भाजपा युवानेते डाॅ. निलेश राणे यांनी माननीय रवींद्र चव्हाण कॅबिनेट मंत्री सार्वजनिक बांधकाम यांची भेट घेऊन ‘मालवण ते कसाल’ व तसेच ‘मालवण ते आंगणेवाडी’ रस्ता लवकरात लवकर करण्याची विनंती केली .
मालवण शहर हे पर्यटन शहर असल्यामुळे मोठ्या प्रमाणात पर्यटक या ठिकाणी येत असतात .तसेच कोकणातील मोठी जत्रा म्हणजे भराडी मातेची आंगणेवाडी जत्रा यावेळी लाखो भाविक आंगणेवाडी जत्रेला येत असतात . त्यांचा प्रवास सुकर व्हावा म्हणून लवकरात लवकर हा रस्ता करण्यात यावा अशी विनंती माननीय रवींद्र चव्हाण यांना केली .
माननीय रवींद्र चव्हाण यांनी मालवण आंगणेवाडी रस्ता याची निविदा काढली असून लवकरात लवकर करण्याचा प्रयत्न करणार असे सांगितले . तसेच मालवण कसाल रस्ता यांची लवकरात लवकर निविदा काढण्यासाठी प्रयत्न करून प्रथम प्राधान्याने रस्ता करण्याचे सूचित केले .
यावेळी डाॅ.निलेश राणे तसेच भाजपा सिंधुदुर्ग सरचिटणीस अशोक सावंत,मालवण शहर प्रभारी विजय केनवडेकर व मालवण नगरपरिषदेचे माजी नगरसेवक गणेश कुशे उपस्थित होते.
