नेरूर ग्रा.प. सदस्य श्री. प्रसादजी गावडे यांच्या हस्ते पार पडले ध्वजारोहन..!!
विशेष वृत्त : स्वातंत्र्याच्या अमृतमहोत्सवी वर्षामध्ये सर्वत्र स्वातंत्र्यदिन साजरा करतानाचा उत्साह ओसंडून वाहत आहे.
प्रभात फे-या, रांगोळ्या व विविध उपक्रम राबवून अमृतमहोत्सवी स्वातंत्र्यदिन संस्मरणीय करण्यासाठी शाळा, महाविद्यालये विशेष प्रयत्नशील असल्याचे दिसून येते.
ग्रामीण भागातील शाळाही याला अपवाद नाहीत.
आज सकाळीच नेरूर गोंधयाळे येथील जि.प. प्राथमिक शाळा येथे मान्यवरांच्या हस्ते ध्वजारोहनाचा कार्यक्रम पार पडला.
नेरूर ग्रामपंचायत सदस्य सन्मा. श्री. प्रसादजी गावडे यांच्या हस्ते ध्वजारोहन करून शालेय विद्यार्थी, शिक्षकवृंद व ग्रामस्थांनी राष्ट्रध्वजाला मानवंदना दिली.
