माळगाव ग्रंथालयाच्या वतीने मोफत शिष्यवृत्ती सराव परीक्षा.

मसुरे | प्राजक्ता पेडणेकर :
मालवण तालुक्यातील माळगाव पंचक्रोशी ज्ञानप्रसारक मंडळ ग्रंथालय, माळगाव यांच्यावतीने शैक्षणिक उपक्रमांतर्गत पूर्व उच्च प्राथमिक शिष्यवृत्ती (इयत्ता पाचवी) सराव परीक्षेचे आयोजन न्यू इंग्लिश स्कूल माळगाव येथे करण्यात आले. या परीक्षेला माळगाव केंद्रावर प्रविष्ठ होणाऱ्या माळगाव, वडाचापाट, वेरली, मसुरे, बिळवस येथील प्राथमिक व माध्यमिक शाळेतील विद्यार्थ्यांनी सहभाग घेतला.
परीक्षेचे उद्घाटन न्यू इंग्लिश स्कूल माळगाव शाळेच्या ज्येष्ठ शिक्षिका प्रतिभा आचरेकर यांच्या हस्ते झाले. परीक्षा कामकाजासाठी श्री. प्रशांत पारकर, सौ. सेजल परब, श्री. उदय कदम, श्री. सागर मिसाळ, श्रीम.छाया नाईक, सौ. तन्वी राणे यांनी सहकार्य केले.
परीक्षेतील गुणानुक्रमे तीन विद्यार्थ्यांचा रोख पारितोषिक देऊन ग्रंथालयाचे अध्यक्ष श्री. अरुण भोगले, मुख्याध्यापक श्री.रमेश मार्गी, श्री. उदय जोशी आणि उपस्थित शिक्षकांच्या हस्ते गौरव करण्यात आला.
परीक्षेचा निकाल पुढीलप्रमाणे-
प्रथम क्रमांक – कु. यशश्री गुरुनाथ ताम्हणकर (मसुरे नंबर १),
द्वितीय क्रमांक – कु. यज्ञेश संतोष परब (वडाचापाट)
तृतीय क्रमांक – कु. सायली प्रकाश पाताडे (वडाचापाट)
चतुर्थ क्रमांक – कु. सान्वी नरेंद्र हिंदळेकर (मसुरे कावा )
पाचवा क्रमांक – कु. जान्हवी दत्ताराम सावंत (मसुरे नं.१)
परीक्षेचे संयोजन ग्रंथपाल सौ. तन्वी राणे व सचिव श्री. गुरुनाथ ताम्हणकर यांनी केले.