अभिलाषा शिंदे या कणकवली तालुका नाभिक महिला आघाडीच्या कोषाध्यक्षा..!
चिंदर |विवेक परब–
कलमठ लांजेवाडीच्या अभिलाषा अनिल शिंदे ह्या उपक्रमशील आहेत. महाराष्ट्र राज्य ग्रामीण जीवनोन्नती अभियान अंतर्गत आशा ग्रामसंघ कलमठ यांनी तिसऱ्या वर्धापन दिनानिमित्त शिवनेरी प्रभाग संघ कलमठच्यावतीने सी. आर. पी. अभिलाषा अनिल शिंदे यांना सन्मानचिन्ह व आकर्षक सन्मानपत्र देऊन समारंभपूर्वक गौरविण्यात आले.
अभिलाषा अनिल शिंदे ह्या कणकवली तालुका नाभिक महिला आघाडीच्या कोषाध्यक्षा म्हणून समाजकार्य करतात. त्यांच्या यशाबद्दल कणकवली नाभिक संघटनेच्या वतीने हार्दिक अभिनंदन करण्यात येत आहे. त्यांचे पती अनिल सहदेव शिंदे हे कणकवली नाभिक शहर संघटनेचे विद्यमान अध्यक्ष आहेत. त्यांच्या या सन्मानाबद्दल सिंधुदुर्ग जिल्हा नाभिक संघटनेचे जिल्हाध्यक्ष अनिल अणावकर व कणकवली तालुका महिला आघाडीच्या तालुकाध्यक्षा तेजस्विनी कुबल यांनी त्यांचे अभिनंदन केले आहे.
