गुणवत्तापूर्ण व उल्लेखनीय कामगिरी बद्दल मिळालेला सन्मान..
मुंबई येथे पोलिस दलात अंमलदार पदावर सध्या सेवा बजावत आहेत सादीक इब्राहिमख़ान मुज़ावर.
मालवण | सुयोग पंडित : सिंधुदुर्ग जिल्ह्यातील मालवण शहराचे सुपुत्र आणि सध्या मुंबई पोलिस दलात अंमलदार पदावर सेवा बजावत असलेल्या सादीक इब्राहिमख़ान मुज़ावर यांना शासनातर्फे पोलिस पदक सन्मान जाहीर झाला आहे.
महाराष्ट्र पोलिस विभागातील विविध प्रवर्गात उत्कृष्ट सेवा बजावलेल्या अधिकारी व अंमलदार यांना हा पुरस्कार दिला जातो. महाराष्ट्र दिनाच्या पूर्वसंध्येला हा पुरस्कार महाराष्ट्र दिनाचे औचित्य साधुन जाहीर होतो.
महाराष्ट्र राज्याचे पोलिस महासंचालक रजनीश सेठ यांनी सादिक इब्राहिमख़ान मुज़ावर व अन्य पदकप्राप्त अधिकारी व अंमलदारांचे अधिकृत अभिनंदन केले आहे.
सन्मानचिन्ह व प्रशस्तीपत्रक असे या पोलिस सेवा पदक तथा पुरस्काराचे स्वरुप असून लवकरच तो प्रदान करण्यात येणार आहे.
पोलिस दलातील गुणवत्तापूर्ण उल्लेखनीय कामगिरी करुन सादीक इब्राहिमख़ान मुज़ावर यांनी त्यांच्या सेवेत सातत्यपूर्ण वाटचाल केली आहे
अंमलदार सादीक इब्राहिमख़ान मुज़ावर यांची मालवण शहर,सिंधुदुर्ग जिल्हा व मुंबई येथील सर्व स्तरातून प्रशंसा होत आहे .
