सरपंच स्नेहा सुरेश शेळके यांच्या हस्ते होणार उद्घाटन
वैभववाडी / नवलराज काळे : महाराष्ट्र दिनाचे औचित्य साधून 01 मे 2022 रोजी 9.30 वाजता वैभववाडी तालुक्यातततील जय मल्हार मित्र मंडळ नावळे धनगरवाडा यांच्या वतीने क्रिकेट स्पर्धेसहित विविध कार्यक्रमाचे आयोजन करण्यात आले आहे. भव्य अंडर आर्म क्रिकेट स्पर्धा 2022, ज्येष्ठ नागरिक सत्कार दहावी बारावी पदवीधर उत्तीर्ण झालेल्या विद्यार्थ्यांचा सत्कार व शालेय वस्तूंचे वाटप तसेच महिलांकरिता हळदीकुंकू समारंभ अशा विविध कार्यक्रमाचे आयोजन या मंडळातर्फे करण्यात आले आहे. गावच्या सरपंच सौ स्नेहा सुरेश शेळके यांच्या शुभहस्ते सदर कार्यक्रमाचे उद्घाटन होणार असून या कार्यक्रमाचे अध्यक्ष उद्योजक , ज्येष्ठ समाजसेवक प्रकाश गुरखे असणार आहेत. सदर कार्यक्रमाला प्रमुख उपस्थिती म्हणून नावळे गावातील सुपुत्र वाभवे वैभववाडी नगरपंचायतचे उपनगराध्यक्ष संजय दिगंबर सावंत, नावळे गावच्या सून कला क्रीडा सांस्कृतिक सभापती सौ रेवा रामचंद्र बावदाने, नावळे गावातील सुपुत्र बांधकाम सभापती विवेक रावराणे आदी उपस्थित राहणार आहेत. सदर कार्यक्रमाला समाजबांधवांनी मोठ्या संख्येने उपस्थित राहावे असे आवाहन मंडळाचे अध्यक्ष सचिन गुरखे व कार्याध्यक्ष संतोष गुरखे व मंडळाचे सर्व पदाधिकारी कार्यकर्ते सभासद यांनी केले आहे.
