बांदा | राकेश परब : चैत्र शुद्घ प्रतिपदा म्हणजे यंदा
दि. २ एप्रिल २०२२ रोजी सकाळी ७ वाजता हिंदू नववर्षाचे म्हणजेच गुढीपाडवा दिवसाचे औचित्य साधून बांदा पतंजली योग समिती तर्फे बांदा शहरात योग प्रभात फेरीचे आयोजन करण्यात आले आहे.
सर्वसामान्य लोकांपर्यंत योगासने, प्राणायाम आणि सूर्यनमस्कार याबाबत जागरूकता निर्माण होण्याच्या उद्देशाने या योग प्रभात फेरीचे आयोजन करण्यात आले आहे.
सदर प्रभात फेरी मध्ये पतंजली योग समिती बांदाचे सर्व साधक आणि बांदा शहरातील इतर सर्व नागरिक यात सहभाग घेणार आहेत.
ही प्रभात फेरी श्री बांदेश्वर मंदिर बांदा येथून सकाळी सात वाजता निघेल. नंतर छत्रपती संभाजी महाराज चौक, श्री विठ्ठल रुक्मिणी मंदिर रोड, गांधी चौक, छत्रपती शिवाजी महाराज चौक, जुनी ग्रामपंचायत इमारत च्या मार्गे पुन्हा श्री बांदेश्वर मंदिर येथे येऊन या योग प्रभात फेरी ची सांगता होईल.
या योग प्रभात फेरी मध्ये “करे योग रहे निरोग” या जयघोषाचा उल्लेख असावा. योग ही आपली संस्कृती आहे आणि योगाभ्यास करणे व इतरांना करावयास लावणे हे कार्य पतंजली योग समिती बांदा ने हाती घेतले आहे व या कार्याला प्रतिसाद वाढत आहे.
