वैभववाडी | नवलराज काळे : वैभववाडी तालुक्यातील कुसुर गावच्या शिमगोत्सवानिमित्त विविध सांस्कृतिक कार्यक्रमांच आयोजन करण्यात आले आहे. गुरुवार दि.२४ मार्च रोजी डबलबारी भजनाचा सामना होणार आहे.
गावच्या शिमगोत्सवाला १८ मार्चपासून प्रारंभ झाला आहे. या निमित्तानं होळीच्या मांडावर विविध कार्यक्रम संपन्न होत आहेत. या होळीच्या सणानिमित्त पावणाई मंदिर ‘होळीचा मांड’ येथे डबलबारी भजनाचा सामना आयोजित करण्यात आला आहे.
सुप्रसिद्ध बुवा गुंडू सावंत विरुद्ध बुवा संदीप लोके यांच्यात हा सामना रंगणार आहे. भजनरसिकांनी या कार्यक्रमाला उपस्थित राहावे असे आवाहन आयोजकांनी केले आहे.
