मसुरे | प्राजक्ता पेडणेकर: मला मिळालेला कलास्वरानंद पुरस्कार हा पुरस्कार माझा एकट्याचा नसुन माझ्या सर्व सहकलाकारांचा आहे. तमाम मायबाप रसीक यानी आमच्या पाठीवर मारलेली प्रेमाची थाप आहे. त्यांमुळे ही रंगभुमीची सेवा आमच्या कडून अशीच घडत राहो. आई वडीलांचे आशीर्वाद आणि देवी भगवतीची कृपा सदैव पाठीशी राहूदे असे प्रतिपादन श्री देवी भगवती दशावतार नाट्य मंडळ देवगड मुणगे- डोबिवलीचे संचालक प्रकाश पांडुरंग लब्दे यांनी येथे केले. डोंबिवली पूर्व येथील गणेश मित्र मंडळ व भजन स्वरानंद आयोजित वर्धापन दिन निमित्त आयोजित कार्यक्रमात ते बोलत होते. उपरोक्त मंडळाच्या वतीने प्रकाश लब्दे याना कला स्वरानंद पुरस्काराने सन्मानित करण्यात आले त्यावेळी ते बोलत होते.प्रत्येक कलाकाराना कलास्वरानंद कडून मिळालेला मान सत्कार हे कौतुकास्पद आहे. श्री देवी भगवती दशावतार नाट्य मंडळ देवगड मुणगे डोबिवली सर्व कलाकाराच्या वतीने कलास्वरानंद डोबिवली सर्व टीमचे आणि गणेश मित्र मंडळ यांचे आभार मानण्यात आले. यावेळी गणेश मित्र मंडळाचे पदाधिकारी उपस्थित होते.
