शेतकरी जगला पाहिजे हे आपले ब्रीदवाक्य असल्याचे डॉ निलेश राणे यांचे प्रतिपादन

कणकवली | उमेश परब : शेतकरी टिकला तर महाराष्ट्राची भरभराट होईल.राज्यात विकासाची गंगा येईल म्हणून माय बाप शेतकऱ्यांना तारले पाहिजे.त्याच्या उत्पादनाला बाजारपेठ मिळवून दिली पाहिजे.महाराष्ट्र राज्याती आणि कोकणातील शेतकरी नैसर्गिक संकटांना सामोरे जात जे कष्ट भोगत आहे त्या शेतकऱ्यांना या ठाकरे सरकाने उद्धवस्त केले.शेतकरी जगला पाहिले , टिकला पाहिजे यासाठी ठाकरे सरकारने काही केले नाही मात्र कणकवली पंचायत समितीने करून दाखवले.शेतकऱ्यांनच्या हितासाठी असे गावठी आठवडा बाजारासारखे उपक्रम सातत्याने चालू ठेवा असे आवाहन भाजपा प्रदेश सचिव माजी खासदार निलेश राणे यांनी केले.
कणकवली पंचायत समिती आणि स्नेहसिंधु कृषी पदवीधर संघ सिंधुदुर्ग च्या वतीने आयोजित गावठी भाजी पाला,धान्य,वस्तू,खाद्यपदार्थ यांचा आठवडा बाजार पुन्हा सुरू करण्यात आला.भाजपा नेते निलेश राणे यांच्या हस्ते फिट कापून त्याचा शुभारंभ करण्यात आला.यावेळी कणकवली सभापती मनोज रावराणे यांनी त्याचे स्वागत केले.कार्यक्रमाला जिल्हा परिषद अध्यक्ष सौ.संजना सावंत,नगराध्यक्ष समीर नलावडे, अभिनेता अनिल गवस, गटविकास अधिकारी चव्हाण,उप सभापती प्रकाश पारकर,माजी सभापती भाग्यलक्षमी साटम,भाजपा तालुका अध्यक्ष संतोष कानडे, शहर अध्यक्ष अण्णा कोदे,सोनू सावंत भाजपा युवकचे संदीप मेस्त्री, शामु दळवी, सूर्यकांत वारंग,स्नेह सिंधूचे हेमंत सावंत, पंकज दळी, व्ही.के. सावंत, संदीप राणे,आदी उपस्थित होते.
भाजपा नेते निलेश राणे म्हणाले,शेतकऱ्यांना माल विकण्यासाठी बाजारपेठेत उभी करून दिली त्याचे मला समाधान वाटते. कणकवली पंचायत समिती सभापती मनोज रावराणे आणि त्यांचे सहकारी चालगे उपक्रम राबवित आहेत.हा गावठी आठवडा बाजार असाच कायम सुरू ठेवा त्याचे सातत्य कायम ठेवा.अजून शेतकरी जोडावेत असे आवाहन श्री.निलेश राणे यांनी केले.
शेतकऱ्यांना गेल्या दोन वर्षात ठाकरे सरकारने उद्धवस्त केले. नुकसानभरपाई नाहीच तर साधी विचारपूस सुद्धा केलेली नाही.आपले आमदार नितेश राणे राज्य सरकारच्या विरुद्ध कायम भांडतात.मात्र सरकारला जाग येत नाही.अशी टीका केली.
अभिनेते अनिल गवस म्हणाले,
रायगडावर त्याकाली छत्रपती शिवाजी महाराजांनी बाजारपेठ उभी केली, तशी ही बाजारपेठ आहे.एकमेकांसाठी हात दिला पाहिजे. भावासाठी भाऊ उभा राहतो हे आमदार नितेश राणे आणि माजी खासदार निलेश राणे यांचे उदाहरण आपल्या समोर आहे. प्रेम असेच आपणही एका दुसऱ्यांसाठी काम केले पाहिजे.आठवड्याला या आणि खरेदी करा.ग्राहक म्हणून तुमची या शेतकऱ्यांना गरज आहे असे अभिनेते अनिल गवस म्हणाले.आभार उपसभापती मनोज रावराणे यांनी मानले.