आचरा बंदर मारुती घाटी फाट्यावर आढळला बिन मुंडक्याचा बकरा..!
आचरा | प्रसाद टोपले : सिंधुदुर्ग जिल्ह्यातील मालवण तालुक्यातल्या आचरा येथील मारुती घाटी फाट्यावर बिना मुंडक्याचा बकरा आढळल्याने चर्चेला उधाण आले आहे. आचरा मालवण रस्त्यालागतच्या मारुती घाटी फाट्यावर शनिवारी रात्री १० वाजण्याच्या दरम्यान एक मुंडके छाटलेला बकरा अगदी रस्त्याच्या कडेला टाकलेला दिसून आला होता. आचरा – मालवण रस्ता व मारुती घाटी रस्ता असे जेथे तीन रस्ते एकत्रित होतात अशा ठिकाणी हा बकरा आढळला आहे. या रस्त्याने ये जा करणाऱ्या वाट सुरूना हा मुंडके छाटलेला बकरा दिसला.
जंगली श्वापदाने जर तो मारला असता तर मुंडके खालेल्या अवस्थेत आढळले असते मात्र दिसून येत असलेला बकरा मुंडके कापलेल्या अवस्थेत दिसत होता. तसेच बकरा टाकलेल्या ठिकाणी रक्ताचे शिंतोडे व डाग नसल्याने तो बकरा दुसऱ्या ठिकाणी मारून मग आणला असावा असा अंदाज वर्तवला जात होता आणि नेमका ‘तिठ्यावर’ तो दिसला म्हणून आश्चर्य व्यक्त होत आहे.
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
लोकप्रिय टॅग्स
ताज्या बातम्या
