बांदिवडेतील श्री.पावणाई भगवती देवीच्या गोंधळ उत्सवातील दान संविता आश्रमाला मदत म्हणून सुपूर्त.
बांदिवडे गांवचे मानकरी व ग्रामस्थांचा सलग सातव्या वर्षी अनोखा उपक्रम.
आचरा | प्रसाद टोपले : सिंधुदुर्ग जिल्ह्यातील मालवण तालुक्यातल्या बांदिवडे गांवातील जागृत देवस्थान श्री पावणाई भगवतीचा जुन्या मांडणीचा पहिला वार्षिकी गोंधळ ४ जानेवारीला तर दुसरा नविन मांडणीचा गोंधळ १३जानेवारीला संपन्न झाला.
ह्या दोन्ही गोंधळाला भाविक व भक्तगण मोठ्या संख्येने उपस्थित होते. या दोन्ही सोहळ्यांमध्ये भाविकांनी मोठ्या भक्तीभा‌वाने देवीला दान केले .दोन्ही गोंधळ संपन्न झाल्यानंतर देवीच्या पुढ्यातील दान बांदिवडे गावातील देवीचे मानकरी व गावकरी सलग सात वर्षे पणदूर(कुडाळ) येथील संविता आश्रमाला नारळ व तांदूळ देत आहेत व यंदाही ते दान संविता आश्रमाला दिले गेले.
३५० केली तांदूळ व ९०० नारळ असे आलेले दान संविता आश्रमाला दिले गेले.
बांदिवडे गांवच्या मानकरी व गावातील ग्रामस्थांची समाजाशी असलेली अनोखी बांधिलकी व बांदीवडे गावच्या ह्या सामाजिक उपक्रमाची जिल्ह्यातील सर्वच स्तरांतून प्रशंसा होत आहे.
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
लोकप्रिय टॅग्स
ताज्या बातम्या
पाहिजेत..!
