मडुरा माऊली जत्रोत्सव उत्साहात संपन्न.
श्रावण | गणेश चव्हाण : सिंधुदुर्ग जिल्ह्यातील सावंतवाडी तालुक्यातल्या मडुरा गांवची ग्रामदेवता श्री देवी माऊलीचा वार्षिक जत्रोत्सव, नुकताच माहेरवाशीणी व भाविकांच्या उपस्थितीत, उत्साहपूर्ण वातावरणात संपन्न झाला.
सकाळी देवीची पूजा अर्चा झाल्यानंतर ओटी भरणे, नवस फेडणे आदी कार्यक्रम झाले. रात्री श्री माऊली देवीची सवाद्य पालखी मिरवणूक सोहळा व मध्यरात्री आजगांवकर दशावतार मंडळाचा नाट्यप्रयोग संपन्न झाला. सिंधुदुर्गासह गोव्यातील भाविकांनी श्री देवी माऊली दर्शनाचा लाभ घेतला.
लाखो रुपयांची उलाढाल होणार्या या जत्रौत्सवात सिंधुदुर्गासह गोव्यातील व्यापारी आपल्या व्यवसायानिमित्त हाॅटेल, मिठाई, कपडे, स्टेशनरी व खेळनी दुकाने घेऊन आले होते. मोठ्या प्रमाणात भाविक उपस्थित होते.
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
