वैभववाडी कुसूर भुईबावडा एस.टी.बस सुरु करण्याची मागणी…!
वैभववाडी | नवलराज काळे : वैभववाडी कुसूर भुईबावडा ही मानव विकास योजनातंर्गत एस.टी.बस सुरु करावी. अशी मागणी भाजपा युवा मोर्चा चिटणीस महेश तुळशीदास रावराणे यांनी केली आहे. अन्यथा दिनांक १० जुलै रोजी रास्तो रोको आंदोलनाचा इशारा दिला आहे. वैभववाडी एस.टी. वाहतूक नियंत्रकाकडे रावराणे यांनी लेखी निवेदन दिले आहे. वैभववाडी तालुक्यात मानव विकासतंर्गत शालेय विद्यार्थ्यांसाठी एस.टी.बस देण्यात आल्या आहेत. याअंतर्गत भुईबावडा ते कुसूर मार्गे सकाळी ७ वाजता एस.टी.बस फेरी सुरु करावी. ही बस फेरी बंद असल्यामुळे तिरवडे, कुसूर, नापणे, सोनाळी या गावातील मुलांचे शैक्षणिक नुकसान होत आहे. याची दखल घेऊन तात्काळ एस.टी.बस सेवा सुरु करावी. अन्यथा दिनांक १० जुलै रोजी रास्ता रोको आंदोलनाचा इशारा रावराणे यांनी एस.टी.विभागाला दिला आहे.
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
लोकप्रिय टॅग्स
ताज्या बातम्या
