वैभववाडी नायब तहसीलदारांची तालुक्यातून उचलबांगडी करा…
भाजप पदाधिकाऱ्यांची मागणी ; नागरिकांशी उध्दट वागत असल्याचा आरोप…
वैभववाडी | नवलराज काळे : शैक्षणिक व शासकीय दाखले देण्यास टाळाटाळ करणाऱ्या नायब तहसीलदार श्रीमती सविता कासकर यांची उचलबांगडी करा, अशी मागणी आढावा बैठकीत भाजपा पदाधिकाऱ्यांनी केली. दाखल्यासाठी यापुढे नागरिकांना दुसरी फेरी मारायला लावू नका. त्यांना तात्काळ दाखले द्या. खोळंबलेले सर्व दाखले दोन दिवसात सोडा. अशा सक्त सूचना नितेश राणे यांनी तहसीलदार रामदास झळके यांना दिल्या आहेत.
आमदार नितेश राणे यांच्या उपस्थितीत तहसील कार्यालयात आढावा बैठक पार पडली. तहसील कार्यालयात रामभरोसे कारभार चालू आहे. अधिवास दाखले, उत्पन्नाचे दाखले, जातीचे दाखले व शैक्षणिक दाखले मिळविण्यासाठी नागरिकांना अनेक फेऱ्या माराव्या लागतात. नायब तहसीलदार श्रीमती कासकर या नागरिकांशी उद्धटपणे वागत आहेत. दाखले सोडण्यासाठी टाळाटाळ करत आहेत. त्यांची बदली करा. अशी मागणी सर्वांनी या बैठकीत केली आहे.
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
