वराड येथे ११ रोजी राणे महाराज पुण्यतिथी…!
मसुरे | प्राजक्ता पेडणेकर:रामनवमी उत्सव आणि प. पू. राणे महाराज यांच्या सातव्या पुण्यतिथी उत्सवा निमित्त १० व ११ एप्रिल रोज़ी वराड कट्टा कुसरवेवाडी येथील प. पू राणे महाराज मठ येथे धार्मिक व सांस्कृतिक कार्यक्रमांचे आयोजन करण्यात आले आहे.
रामनवमी उत्सवानिमित्त १० रोजी सकाळी ९ वा. मूर्ती अभिषेक, १० वा. रामजन्म कीर्तन, दुपारी १२ वा. रामजन्म सोहळा, १ वा. महाआरती, १.३० वा. महाप्रसाद (अखंड सुरू), सायंकाळी ७ वा. संजय दळवी, तळगाव यांचे भजन, रात्री ९ वा. जय शंभो भजन मंडळ, माजगाव, सावंतवाडी यांचे भजन, राणे महाराजांच्या सातव्या पुण्यतिथी उत्सवानिमित्त ११ रोजी सकाळी ९ वा. महाराजांच्या पादुकांवर अभिषेक, सकाळी ९ वा. हरिपाठ, दुपारी १२ वा. महाआरती, १.३० वा. महाप्रसाद, दुपारी ४ वा. पालखी मिरवणूक (कै. गुरुनाथ म्हाडगृत, कट्टा यांचे घर ते प. पू. राणे महाराज मठ), सायंकाळी ७ वा. स्वामी समर्थ भजन मंडळ भांडूपचे बुवा सुशिल गोठणकर व विमलेश्वर भजन मंडळ, परेलचे बुवा दुर्वास गुरव यांच्यात आमने-सामने संगीत डबलबारी भजनाचा सामना होणार आहे. भाविकांनी लाभ घ्यावा, असे आवाहन ट्रस्टतर्फे करण्यात आले आहे.
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
लोकप्रिय टॅग्स
ताज्या बातम्या
