सायंकाळी ०८.०० वाजता गराजलो रे गराजलोच्या फेसबुक पेजवरुन मुलाखतीचे थेट प्रक्षेपण.

मालवण | नझ़िरा शेख : श्री सोमेश्वर कलामंच सामाजिक संस्था निर्मित ‘गराजलो रे गराजलो’ या नाटकाद्वारे समाजात व खासकरुन कोकण भूमीपुत्र व कन्यांसाठी  जनजागृतीपर उपक्रम सुरु असतात. आपल्या माणसांनी, आपल्या माणसांसाठी सुरू केलेली ही चळवळ अशीच या चळवळीची सामाजिक ओळख आहे.
श्री.सोमेश्वर कलामंचचे अध्यक्ष  व सर्वेसर्वा श्री. सहदेव धर्णे यांच्या संकल्पनेतून ही चळवळ घराघरात पोहोचविण्यासाठी अथक प्रयत्न सुरु आहेत आणि या चळवळीचाच एक भाग म्हणजेच लाईव्ह मुलाखत चर्चा सत्र हा उपक्रम  प्रकल्प.

या उपक्रमाअंतर्गत आज बुधवार दिनांक ०२फेब्रुवारी२०२२ ला रात्री ठीक ०८ :०० वाजता मालवणच्या सुप्रसिद्ध अशा अ.शि.दे.टोपिवाला हायस्कूलच्या सहशिक्षिका सौ.ज्योती रविकिरण तोरसकर- बुवा यांची थेट मुलाखत आयोजित केली आहे.
लेखिका,सुत्रसंचलिका अशी ख्याती असणार्या सौ.ज्योती तोरसकर बुवा यांनी नुकतेच मराठी आणि इतिहास या विषयात सेट परीक्षा उत्तीर्ण होत यशाचा दुर्मिळ योग साधलेला आहे.
टीम गराजलो रे गराजलोतर्फे युवा तरिही अनुभवी मुलाखतकारा कु.बिंदिया मोहिते या सौ.ज्योती तोरसकर बुवा यांची मुलाखत घेणार आहेत.
जास्तीत जास्त विद्यार्थी,कोकणी बांधव यांनी या मुलाखतीला गराजलो रे गराजलोच्या फेसबुक पेजवर अनुभवून बोध घ्यावा,ज्ञान जागरुक व्हावे असे आवाहन श्री.सोमेश्वर कलामंचचे अध्यक्ष श्री. सहदेव धर्णे यांनी तमाम कोकणी व मराठी जनतेला केले आहे.
खालील लिंकवर क्लिक करुन ही मुलाखत पाहता येऊ शकणार आहे.

Facebook page:https://www.facebook.com/गराजलो-रे-गराजलो-102117271370970/