श्रावण गांवचे श्री.गणेश चव्हाण ठरले उत्कृष्ठ पत्रकार पुरस्काराचे मानकरी..!

मसुरे | प्राजक्ता पेडणेकर : सिंधुदुर्ग जिल्ह्यातील श्रावण येथील पत्रकार श्री. गणेश चव्हाण यांना जर्नालिस्ट युनियन ऑफ महाराष्ट्र युनियन तर्फे उत्कृष्ठ पत्रकार पुरस्कार देऊन सन्मानित करण्यात आले. महाराष्ट्रातुन ८ आदर्श पत्रकारांची निवड करण्यात आली होती. या आठ पत्रकारांमधुन रत्नागिरी व सिंधुदुर्गातुन पत्रकार गणेश चव्हाण यांची ग्रामीण मधुन उत्कृष्ठ पत्रकार म्हणुन निवड केली. हा गौरव सोहळा मिरा भाईंदर महानगरपालिकेच्या महापौर ज्योत्स्ना हसनाळे व आयुक्त दिलीप ढोले यांच्या उपस्थितीत मिरारोड येथे संपन्न झाला.
कार्यक्रमाच्या अध्यक्ष स्थानी युनियनचे प्रदेश अध्यक्ष नारायण पांचाळ होते. महापौर व आयुक्त यांनी पत्रकारांच्या कामाचा गौरव करून पत्रकार हा समाजाचा कणा आहे. समाजविकासाबद्दल लिखाण करून, समाज जागृती करण्याचे काम पत्रकार करत असतो. म्हणून त्यांचा विशेष आदर वाटतो. अशा शब्दांत कौतुक केले. यावेळी जर्नालिष्टचे सर्व पदाधिकारी, मुणगे देवगड येथील मुंबई विद्यापिठाचे प्राचार्य हेमंत सामंत, सिंधुदुर्गाचे संपर्क प्रमुख आडवलीचे सतिश साटम व पत्रकार उपस्थित होते.