बांदा /राकेश परब : बांदा येथील प्रसिद्ध श्री बांदेश्वर भुमिका देवस्थानचा वार्षिक जत्रोत्सव रविवारी मोठ्या उत्साहात व भक्तीमय वातावरणात साजरा झाला. हजारो भाविकांना श्री बांदेश्वर भुमिका पंचायतन देवतांचे दर्शन घेतले.जत्रोत्सवानिमित्त विविध धार्मिक कार्यक्रमांचे आयोजन करण्यात होते.
रविवारी सकाळी श्री बांदेश्वर श्री भुमिका मंदिरात पुजा अर्चा होऊन दर्शनास तसेच श्री भुमिका माऊली ओटी भरणे,नवस बोलणे,नवस फेडणे आदी कार्यक्रमांना आरंभ झाला. सकाळपासूनच दर्शनासाठी भाविकांची मोठी गर्दी होती. मंदिरात फुलांची सजावट तसेच आकर्षक रोषणाई करण्यात आली होती. मंदिर परिसर जत्रेची दुकाने व लोकांच्या गर्दीने फुलुन गेला होता. रात्रौ श्रींचा मंदिराभोवती सवाद्य पालखी प्रदक्षिणा ,वार्षिक नित्य पुराण वाचन कार्यक्रमाची सांगता तसेच जत्रोत्सवानिमित्त नाट्यप्रयोगाचे आयोजन करण्यात आले होते. मंगळवार दि.२१ डिसेंबर रोजी दुपारी समाराधना कार्यक्रमाचे आयोजन करण्यात आले आहे. या जत्रोत्सवापासुन दर सोमवारी होणाऱ्या पालखी सोहळ्याचा शुभारंभ झाला आहे.
